Tema e bashkimi të Shqipërisë me Kosovën e cila del herëpashere, bën që subjektet politike shqiptare të përplasen me njëra-tjetrën, sipas vizionit të tyre politik. Fjala vjen, Vetëvendosje në Kosovë e ka kauzë të saj këtë bashkim, dhe përpiqet që argumentat që ofron të jenë sa më shkencore e jo thjesht folklorike, duke iu referuar të gjithë teorive të njohura që rrahin ccështje të tilla delikate; ndërsa porsi ajo ka dhe parti të tjera në Shqipëri që e kërkojnë këtë gjë, por që janë aq folklorike sa nuk ia vlen t’i marrësh në konsideratë, pasi të duken edhe abuzuese me dobësitë atdhetare të njerëzve.
Dhe, deklarimet “pro”, të disa analistëve nga Shqipëria për bashkimin kombëtar siç duket e kanë nervozuar analistin e njohur kosovar, Nexhmendin Spahiu, që është deri diku dhe specialist i kësaj fushe me njohe të thella.
Ai ka një apel që ata që sot i quan “patriotë”, që u thotë të merren me Çamërinë, ta tregojnë aty patriotizmin, e mos të merren me Kosovën.
“Kam jetuar 7 vite në Tiranë dhe, edhe pse përgjithësisht shqiptarët nuk shquhen për patriotizëm, kam takur patriotë e shkuar patriotëve të shquar për sakrificën për atdhe, të tillë që çdo komb i botës do t’i dëshironte t’i kishte në gjirin e vet. Besomëni se këta patriotë shqiptarë nga Tirana, Vlora, Shkodra, Korça et,j janë më se të lumtur me pavarësimin e Kosovës, kurse këta që tani nga Tirana jargaviten për bashkimin e Kosovës me Shqipërinë, në kohët më të vështira për Kosovën njiheshin për anti-kosovarë. Le të supozojmë se nuk e kanë me hile por që thjeshtë janë atdhetarizuar me vonesë. Le t’ua mos kujtojmë të kaluarën e tyre, por thjeshtë le t’i lusim mirësisht: Mos u merrni me Kosovën, merruni me Çamërinë, tregojeni aty patriotizmin tuaj, sepse Cameria i ka punet më keq se Kosova”, ka shkruar Spahiu, në Facebook. /tesheshi.com/
