Të paktën 384,000 njerëz, 116,000 prej të cilëve kanë qenë civilë, janë vrarë në Siri që prej fillimit të konfliktit në mars 2011 – vlerësoi Observatori Sirian i opozitës për të Drejtat e Njeriut (SOHC).
Konflikti, i cili filloi me shtypjen e protestave pro-demokracisë, më vonë u shndërrua në një luftë komplekse me pjesëmarrjen e fraksioneve të ndryshme kryengritëse dhe grupeve të armatosura, dhe përfshirjen e fuqive të huaja.
Forcat e Presidentit sirian Bashar al-Asad tani kontrollojnë më shumë se 70 përqind të territorit, falë ndihmës ushtarake të aleatëve – Rusisë, Iranit dhe lëvizjes libaneze Hezbollah.
Konflikti, i vlerësuar nga Kombet e Bashkuara në 2017 si katastrofa më e rëndë që nga Lufta e Dytë Botërore, ka shkatërruar ekonominë, me më shumë se 11 milion njerëz që kanë lënë shtëpitë e tyre.
Observatori, i cili mbështetet në një rrjet të madh burimesh ushtarake dhe mjekësore në të gjithë Sirinë, tha që nga 116,000 viktima ishin civilë, 22,000 ishin fëmijë dhe 13,000 ishin gra.
Të paktën 129.476 anëtarë të ushtrisë siriane dhe luftëtarë të huaj janë vrarë, thanë autoritetet, duke shtuar se rreth 57,000 të vrarë kanë qenë në anën ë kryengritësve. /tesheshi.com/
