Nipin e ka të hurit e litarit, por vetë ajo është zonjë grua, e urtë, e ndershme dhe punëtore, që përpiqet të ushqehet me djersën e ballit. Fjala është për 90-vjeçaren Zela Kupa, gjyshen e bëmëmadhit Ilir Kupa. Nënë Zela, siç e njohin dhe e thërrasin të gjithë në Fushë-Krujë, jeton e vetme. Sepse, i biri, që është i ati i Ilirit, jeton një Greqi.
Dy km larg nga shtëpia, ajo ka një copë bahçe që çdo ditë ia bën yzmetin duke e punuar, e që pikërisht prej sa ushqehet. 90 vjeç pra, dhe i bie shatit si i thonë. Ajo vërtet e ka nipin me nam për keq, por vetë mund të shërbejë si model për mirë për të gjithë ata shqiptarë përtacër dhe parazitër, që pavarsisht moshës, rrijnë e presin nga qielli se mos u bie ndonjë gjë.
Kjo, në rastin më të mirë; se në rastin më të keq, shkojnë e bëjnë zullume: ose duke vjedhur, ose duke luajtuar lloto e kumar, ose duke u bërë tapë lokaleve, ku më pas shkojnë e rrahin gratë apo prindërit në gjendje të dehur.
Interesant është fakti se atë copë tokë, Nënë Zela e ka krijuar vetë. Ajo ka qenë gjithë inerte, por e moshuara ka gjetur forcë e kurajo, për ta bërë pjellore. Megjithatë, kjo e nuk e ka shpëtuar të gjorën nga “grabitqarët” më dy këmbë të tokave që ky vend i ka më shumicë. Ca fqinj kërkojnë t`ja marrin atë duke e çuar dhe në gjygj madje.
Por nënë Zela nuk dekurajohet, derisa dhe pse 90 vjeç, gëzon shëndet e fuqi për punë, paçka një jetë gjithë mundime. Sa për të nipin, nuk është i pari rast në historinë e njerëzimit që prej trëndafilit del një gjemb! Sa për shoqërinë së cilës i takon, nuk është as ky i pari rast kur me gjembash lind një trëndafil! /tesheshi.com/
Shkruar nga Ahmet Zani
