Një hetim ka nisur në Tiranë ndaj administratës së bashkisë që nuk është më. Siç bën të ditur organi qendror i akuzës, ky institucion po heton mbi lejet e ndërtimit, të dhëna nga bashkia e Tiranës për 4 vitet e shkuaara.
Ky hetim ka nisur pas kallëzimit të bërë nga Agjencia Kombëtare e Planifikimit të Territorit. Mësohet se, grupi hetimor ka depozituar në Bashkinë e Tiranës kërkesën për hetimin e lejeve të ndërtimit, në të cilën Prokuroria thekson se është duke verifikuar shkeljet për mosrespektimin e procedurave për miratimin e planeve të detajuara vendore në 129 raste.
Prokuroria thekson në njoftimin e saj se, hetimet po kryhen për mosrespektim të kërkesave ligjore për dhënien e lejeve të ndërtimit, mosushtrim të kontrollit të territorit në fushën e ndërtimit dhe urbanistikës.
/tesheshi.com/
