Negociatat e Rusisë me Ukrainën përfunduan pas më shumë se tre orësh, ndërsa pushtimi rus vazhdon prej 5 ditësh.
Deri më tani nuk ka asnjë informacion të mëtejshëm nëse ka pasur ndonjë lloj marrëveshjeje mes dy palëve.
Bisedimet mes delegacioneve të dy vendeve u zhvilluan në pikën “Aleksandrovka – Vilcha” në qytetin Gomel të Bjellorusisë.
Sipas rrjedhjeve nga zyra e Zelensky-t, delegacioni ukrainas në bisedimet me Rusinë bëri thirrje për tërheqjen e të gjitha forcave ruse nga territori ukrainas, përfshirë Krimenë dhe Donbasin.
Delegacioni ukrainas mbërriti atje me helikopter. Në të morën pjesë ministri i Mbrojtjes Oleksiy Reznikov, zëvendësministri i Jashtëm Totsicki, këshilltari i Zelensky-t, Mikhail Podoliak dhe disa deputetë.
Moska u përfaqësua nga krahu i djathtë i Presidentit Putin, Vladimir Medinsky, nga zëvendësministri i Jashtëm Andrei Rudenko, nga zëvendësministri i Mbrojtjes Alexander Fomin.
🔴 AHORA | NEGOCIACIÓN UCRANIA-RUSIA
Se inician diálogos de las delegaciones rusa y ucraniana, en #Gomel #Bielorrusia. Ucrania exige un alto al fuego.
Vía @KAsalcedoflores@ImpactoVE 📌 pic.twitter.com/5e0IuimjMM
— ImpactoVenezuela (@ImpactoVE) February 28, 2022
Kreu i diplomacisë evropiane, Josep Borrell, përshëndeti fillimin e procesit të negociatave mes palëve, duke thënë. “Ky është hapi i parë, ne e mirëpresim takimin”. /tesheshi.com/
