Ditmir Bushati raporton në komisionin e jashtëm të Kuvendit për negociatat e Detit. Dhe aty, nuk kurseu thumbimet për kreun e shtetit, duke parë qëndrimet e tij karshi negociatave si me kontekst politik sesa kushtetues.
“Kemi bërë një punë të madhe për të hapur një faqe të re. Shembujt janë të ndryshëm: kemi shtete fqinje si ajo e Demarkacionit që e ka ratifikuar në Kuvend. Kemi vende të BE-së si Sllovenia e Kroacia se nuk e kanë zgjidhur gjuhën deri sot. As në Arbitrazh ku shkohet kur është ezauruar cikli i negocimit. Në arbitrazh shkohet kur dy palët bien dakort për këtë hap”.
Bushati tha se ka informuar Presidentin për çdo hap të negociatave.
“Institucionet kërkojnë autorizime për negociata dhe marrëveshje. Në asnjë çështje nuk ka pasur konsultim paraprak por kur kanë nisur negociatat. Kam një dosje të tërë për praktikën e Bujar Nishanit dhe Ilir Metës që janë të ngjashme. Për shkak të rëndësisë së çështjes, i kam paraprirë kërkesës me një konsultë me Metën”, theksoi ministri i Jashtëm.
Duke përdorur një frazë për kreun e shtetit, Bushati tha se “i shkreti” nuk e dinte se si duhet të vepronte.
“Nuk lëshon plotfuqishmëri Presidenti. Presidenti ka autorizim Në kërkesën që ne i kemi nisur presidentit janë të përcaktuara shumë qartë të gjithë. Objekti, titulli, relacioni, ekipi negociator si në asnjë rast tjetër. Presidenti duhet të japë autorizimin për këtë gjë në aktin e plotfuqishmërisë. Ky akt lëshohet nga ministri i Jashtëm”, sqaroi Bushati.
Ndërkaq, ky i fundit thumboi presidentin Ilir Meta ku tha se “shpresojmë që presidenti të na vlerësojë”.
“Siç i bëri komplimente kryeministrit grek Tsipras, të bëntë të njëjtën gjë edhe për punën tonë”, shtoi Bushati. /tesheshi.com/
