I sapokthyer nga Gjermania, kryedemokrati Basha iu përgjigj interesit mediatik mbi hapjen e negociatave. Sipas tij, opozita ka patur arsye të forta që të kërkojë hapjen e tyre.
“Kërkuam të mos bëjnë gjyqtarin se po e bën negociata. Mos’hapja e negociatave nuk ndëshkon autokracinë, arrogancën e pushtetit, shkeljen e ligjit. Ndëshkon rininë, qytetarët, opozitën që kërkojnë reforma të thella. Nëse nuk ndodh, do i hapë më shumë rrugën krimit, shumë qytetarë do ikin. Është momenti që gjithsecili të mbajë përgjegjësitë e veta. Unë i kam marrë”, theksoi kreu demokrat.
Ndërsa ftesën e Ramës për bashkëpunim, theksuar në konferencën me znj, Mogherini, Basha e ka quajtur makiazh.
“Në Shqipëri ka probleme të thella të demokracisë. Edi Rama është më i intersuar të bëjë makiazh sesa të kuptojë që ndodhemi para një momenti shumë të rëndësishëm. Nuk mund të kalohet lumi me llogjet e ditës. Sot si kryetar i opozitës kam marrë përgjegjësitë e mia që të bëjmë gjithçka që kriteret të përmbushen pasi është rruga e vetme e hapjes së negociatave”, theksoi Basha. /tesheshi.com/
