Për nr.2 të mazhorancës Taulant Balla, ajo çfarë tha ditë më parë kancelarja Merkel në lidhje me negociatat, pra shtyrjen e bisedimeve me Shqipërinë, premtimin e saj për të rinisur shpejt por jo për momentin, nuk kanë të bëjnë me qëndrimin gjerman karshi Shqipërisë.
“Mendoj dhe jam i sigurt në atë që them se Gjermania mbetet mbështetësi kryesor i një procesi të rëndësishëm, tashmë i sigurt, që lidhet me fillimin e bisedimeve për anëtarësim, Gjermania këto 6 muaj ka presidencën e BE-së dhe nuk duhet të harrojmë se ajo flet duke sjellë të gjitha ndjeshmërinë e vendeve anëtare,” tha Balla.
Për të, Shqipëria është në rregull me gjithçka, me çdo kusht që i është kërkuar, porse po e pëson nga mosmarrëveshjet e brendshme në Bllok.
“Nuk ka konsensus brenda 27-shteteve anëtare, ndaj në këtë kontekst do doja që të gjithë ta kuptojnë se nuk bëhet fjalë për një ndryshim të qëndrimit të Gjermanisë, ajo edhe në këto momente ka pasur dëshirën dhe gatishmërinë që konferencat të mbaheshin në dhjetor të këtij viti,” arsyetoi Balla. /tesheshi.com/
