Bakllavaja është ëmbëlsira që nuk mungon në tavolinat familjare në Fiter Bajram.
Për të bërë bakllavanë nevojiten 700gr miell, 200 ml vaj misri, 70 ml qumësht, 70 ml kos, 2 të verdha veze + 1 vezë të plotë, 1 lugë gjelle limon i shtrydhur, 600 gr gjalpë i shkrirë, pak niseshte (për të lyer petët), 500 gr arra të qëruara e të grira (për mbushjen). Ndërsa për sherbetin duhen: 1,2 l ujë, 1,8 kg sheqer, pak vanilje dhe karafil (sipas dëshirës).
Mjeshtrit vendosin njëzet petë (të cilat i spërkatin me gjalpë të shkrirë, pas çdo pete të katërt), e pastaj nuk kursejnë nga pistaqet më të mira të Gaziantepit. Këto pistaqe janë lloji i vetëm që përdoren në Turqi, e ndonjëherë vendosen edhe lajthi të grira në shtresën e njëzetë.
Gjëja e parë që ju bie në sy këtu janë retë nga mielli, që krijohen në ajër derisa përgatiten petët e holla. Petët bëhen porsi letra e hollë. Të gjithë punojnë me duar dhe me shkop për gatimin e bakllavasë. Secila petë është aq e hollë, saqë mund të lexoni gazetë nëpërmjet saj. Kur të arrijë trashësinë vetëm 2 milimetra, mjeshtrit fillojnë ti rendisin njëra pas tjetrës në tepsinë e lyer me gjalpë.
Kur të shtohet edhe pjesa tjetër prej njëzet shtresave, mjeshtri e pret me thikë së pari horizontalisht, dhe i hedh gjalpë të shkrirë, në mënyrë që bakllavaja të pritet më lehtë dhe të hyjë në çdo shtresë. Pastaj pritet vertikalisht, shtohet edhe një dozë e gjalpit të shkrirë. Tani bakllavaja është gati të piqet në temperaturën 165 gradë celsius.
Gjatë asaj kohe përgatitet sherbeti, që përbëhet nga sheqeri i pastër, lëng limoni dhe ujë. Pasi të përgatitet sherbeti derdhet mbi bakllavanë relativisht të ftohur, pastaj bakllavaja futet sërish në furrë edhe për pesë minuta. Në fund bakllavaja lihet të qëndrojë në vend të ftohtë. Rezultati është një bakllava që të shkrin në gojë. Është aq e lehtë, sa që mund të hani një pjatë të tërë.
“Kërcitja në fakt është shenjë se është e freskët, shenjë për bakllavanë më të mirë. Bakllavaja e mirë lë një shije të mahnitshme në gojën tuaj, nuk duhet të jetë as e rëndë, as shumë e ëmbël, përkundrazi duhet të jetë mjaft e “lehtë”, aq sa ju ‘mashtron’ ta hani një pjatë të tërë“.
Për prejardhjen e bakllavasë ka shumë teori, por një gjë është e sigurt, që kjo ëmbëlsirë është përkryer gjatë kohës së perandorisë Osmane në kuzhinat e Pallatit Topkapi, dhe ajo ka qenë ëmbëlsira e preferuar e Sulltanit. Rëndësia e saj nuk është vetëm se konsiderohet, si simbol i pasurisë dhe i përsosmërisë, por edhe për faktin se vlerësohet si traditë shtetërore. Në ditën e 15 të Ramazanit Sulltani i kohës kishte shkuar të shikojë pelerinën e të dërguarit të Zotit, profetit Muhammed, e cila ruhet edhe sot në Pallatin Topkapi dhe atëherë jeniçerët janë gostitur me bakllava, me nga një pjatë për 10 ushtarë. Më vonë, kjo traditë është shndërruar në paradë./tesheshi.com/
