Duke parë shkretirën kulturore që ka përfshirë qyetet shqiptare, mund të quhet mrekulli ajo që ka ndodhur së fundi në Lezhë.
Pas 30 vitesh mungese aty është rikthyer Teatri i Kukllave. Ish-aktorë që sot janë në pension dhe të rinj të apasionuar pas aktrimit janë bërë bashkë duke i rikthyer këtij qyteti traditën që ka patur vite më parë.
Premiera “Kësulkuqja” ishte shfaqja e parë që u vu në skenë. Salla u tejmbush nga fëmijë e prindër, të dy palët të ngazëllyer nga ky varitetet jete i munguar.
Madje për t’i dhënë rëndësi e për ta mbështetur, i pranishëm në sallë dhe kreu i Bashkisë, Fran Frrokaj.
“Unë jam shumë i gëzuar që sot pas 30 vitesh Lezhës i është rikthyer teatri i kukullave. Ky qytet ka patur aktorë profesionistë, ndaj ishte mjaft e nevojshme ngritja e këtij teatri që të ruajmë traditën. Kjo është qasja që ka insitucioni që unë drejtoj ndaj fëmijëve dhe do bëjmë gjithçka që të jemi në mbështetje të tyre. Do punojmë që të ofrojmë kushte më të mira në këtë sallë e cila tashmë do të jetë në dispozicion të teatrit” tha Frrokaj. /tesheshi.com/
