Një e ashtëquajtur Shoqata Kulturore Progonat, ka reaguar ndaj shkrimit të Zërit të Amerikës kushtuar projektit të rehabilitimit të Nivicës, një prej kryeqendrave të Kurveleshit, në funksion të turizmit malor.
Reagimi është pjesë e një komunikimi në rubrikën e komenteve, që i përkasin postimit të shkrimit nga ana e Auron Tares, njeriut që po e konstrukton dhe po e promovon këtë lloj turizmi, ende i panjohur në Shqipëri.
Interesant në reagimin e shoqatës, e cila siç dhe mund të vihet re lehtësisht përfaqsohet aty vetëm nga gjuha e një njeriu, me një shqipe porsi relievet e thyera e plot ekstreme të zonës, është se turizmi nuk parapëlqehet në raport me shërbimet, ndërkohë që në këto të fundit përfshihet deri dhe kinemaja.
Ja dhe statusi:
Shoqata Kulturore Progonat TË DASHUR KURVELESHAS PO PËR NE KUSH ZË DUHET TE FLAS QË DHE NE TË NA DËGJOJËN VETËM NJËHER PËR HARRESËN DHE VUAJTJET TONA NË KËTO VITE . Ja dhe Zëri i Amerikës për Projektin e Nivices,Zoti Auron Tare . Po zëri i popullit të Kurveleshit pse nuk dëgjohet këtu e 27 vjet. Nuk jemi kundërshtim që kurveleshi të mos benet zon turistike, kur ne atë zon nuk fuksionon asnjë gjë, një popullsi e len ne harres këtu e 105 vjet që nga shpallja e pavarsis, me një komunikacion do ta quaja ( katastrofik ) kur shteti nuk ka fuksionuar ndonjeherë, perveç partive politike,prandaj nuk mund te neperkemben njerzit e Kurveleshit se çfar thot zeri i Amerikes e dikujt tjeter, aty duhen , rrugë shkolla,cerdhe,kopshte,kinema,linja autobuzi,kende lojrash,fusha,spitale,abulanx,ujë ,drita,e pastaj vemi dhe te turizmi juaj,që pastaj mirqënja do te jet me e mir. Bashkonemi me zerin e kurveleshasit Edmond Tota,sepse per turistat duhen te plotesohen te gjitha kushtet ,kurse per kete popull fisnik dhe me dinjitet po thoni ( varini lesht) se ste pelqeka dhe emri i Shoqates Kulturore Progonati ,,,ju Faleminderit.
Njeriu që e ka hartuar këtë status, ndoshta nuk e kupton turizmi është një arsye ekonomike për t’i realizuar të gjitha ato çfarë kërkon. Një arsye sepse aty ka vend për t’u zhvilluar turizmi, janë pikërisht ato lloj mungesash të komoditetit njerëzor, të cilat, edhe nëse mundesohen një ditë, kjo do ndodhë falë turizmit. Por sa për kinemanë në zemër të Kurveleshit, kjo zorr se ndodh, derisa komunizmi nuk ekziston më. /tesheshi.com/
