Qeveria ka folur më së fundi për rastin e pazakontë të largimit po ashtu të pazakontë të një investitori të huaj, siç qe libanezi Fadi Mitri, përfaqsues i OMNiX Albania, kompanisë që do ndërtonte një resort turistik në Gjirin e Lalzit, i cili pas një rrahjeje brutale që iu bë ditën për diell, u largua drejt vendit të tij me barelë dhe gjysmën e trupit të fashuar.
Në fakt, nuk folur qeveria në kuptimin zyrtar të fjalës, por ministri i Ekonomisë Arben Ahmetaj, i ftuar në emisionin “Të bësh ekonomi” në News 24.
Ai në fillim korrektoi shifrën e investimit për të cilën tha se do ishte 180 milinon e jo 450 sa thuhej. Më pas, edhe pse e quajti largimin e OMNIX-it si humbje për ekonominë shqiptare, Ahmetaj e konsideroi rrahjen që iu bë përfaqsuesit të tij si një rast të izoluar.
Deri më tani, që kur ndodhi incidenti i rrahjes e deri sa iku “viktima” e saj, qeveria nuk është prononcuar. Ndërkohë që autorët nuk janë kapur. /tesheshi.com/
