Komisioni i Reformës në Drejtësi ka miratuar në unanimitet të plotë draftin e Reformës në Drejtësi. Edhe pse e dha votën pro, deputeti i PD-së Eduard Halimi tha se kjo votë është për draftin e reformës, dhe jo për çështjet politike, pasi siç tha Halimi, këto të fundit do të diskutohen në ditët dhe javët në vijim.
Halimi bëri me dije se opozita votoi pro fillimit të diskutimit të amendamenteve nen për nen, duke sqaruar se voto pro nuk duhet të interpretohet si një votë pro çështjeve politike, si institucionet e reja kushtetuese dhe lufta ndaj korporatizmit.
“Nesër do fillojë diskutimi nen për nen i çështjeve. PD ka qenë kundër kapjes politike të sistemit, për këto çështje nuk ka pasur dakordësi, duhen negociata. Përsëritëm apelin që çështjet politike ku ka mosdakordësi të diskutohen, në mënyrë që të gjitha nenet të miratohen javët e ardhshme”, u shpreh Halimi./tesheshi.com/
