Publikimi i shkrimit të 22 janarit të bërë nga tesheshi.com në lidhje me arratisjen spektakolare të Arben Frrokut nga Shqipëria. ka sjellë mjaft zëra që po përpiqen të gjejnë kleçka në lidhje me një fakt që si i tillë mund të diskutohet.
Disa portale dhe qarqe të ndryshme, edhe pse tesheshi.com citon burime të rëndësishme të inteligjencës ndërkombëtare, janë rrekur të kapen me pjesë të shkrimit duke thënë se nuk ka qenë i saktë.
Në atë shkrim theksohet qartë se Arben Frroku u pajis me dokument fals, pra pasaportë, por duke cituar burimin bëhet e ditur se Frroku ka ndryshuar pamjen në një klinikë të njohur në Tiranë.
Madje tesheshi.com ka edhe emrin e klinikës por nuk e ka vendosur për të respektuar etikën uprofesionale, pasi subjekti privat nuk duhet të sulmohet dhe se hetimet e mëtejshme i bëjnë institucionet e specializuar.
Megjithëse i gjithë dokumenti sekret për arratisjen e Arben Frrokut ishte siguruar nga rrugë operative, pra nga informatorë, që do të thotë që ka edhe rrjedhje normale, ndryshimi i pamjes së Arben Frrokut mund të vërtetohet fare lehtë po të shohësh një foto të vendosur në pasaportën e falsifikuar greke dhe një foto të para arratisjes së Arben Frrokut.
Në brendësi mund të shihet fare qartë se janë shumë elementë të ndryshuar të pamjes së njeriut të dënuar me burgim të përjetshëm për vrasjen e komisarit Dritan Lamajt.
Pjesa e mollzave, balli dhe mjekra janë të prekur nga estetisti.
Ndërkohë, edhe një foto tjetër e marrë nga policia holandeze dhe e dërguar për policinë shqiptare e tregon në mënyrë të qartë ndryshimin drastik të pamjes.
Operacioni plastik për ndryshimin e fytyrës, edhe nga njerëz më të sofistikuar si terroristi famëkeq venezuelian Illiç Ramires Sançez, i ashtuquajturi Carlos-Çakalli, nuk është bërë kurrë që të ndryshojë pamjen 100% në një tjetër njeri, por thjesht në ca detaje për t’i ikur policisë në dokumentet e falsifikuara; sepse nga ana e jashtme mbanin kapele, syze apo linin mustaqe.
Njësoj si Enveri në vitin 1942 apo të tjerë komunistë që u maskonin për të ndryshuar pasaportat e që u shisnin në propogandë si veprimtari të mëdha.
I njëjtë ka qenë edhe ndryshimi që Bernardo Provenzzano, bossi siçilian i Cosa Nostra-s bëri në një klinikë në jug të Francës.
Përgatiti: Ylli Pata – /tesheshi.com/
