Kulla e Eifelit ndriçohet sërish: Parisi triumfon edhe në Kupën e Francës. Skuadra e drejtuar nga Lorant Blank ka mposhtur në finale Aukserrin, më vështirë seç pritej, por ka mjaftuar një gol i Kavanit për të fituar trofeun e dytë këtë edicion.
Ballafaqimi në “Parkun e Princave” i takoi kampionit të ligës, mirëpo nuk ishte aq i lehtë ashtu siç parashikohej në letër. Pjesa e parë nuk solli gola për shkak të mbrojtjes së ngjeshur të kundërshtarit, mirëpo një goditje me kokë e Kavanit në minutën e 65-të, hoqi dilemat e fituesit.
Kështu, parisienët fitojnë trofeun e dytë këtë edicion në Francë, ndërkohë në Evropë mbeten ende prapa synimit të tyre. /tesheshi.com/
