Bashkimi Europian propozon ndalimin e sendeve plastike njëpërdorimëshe për të ndihmuar në mbrojtjen e botës nënujore. Propozimet synojnë të nxjerrin jashtë ligjit shumë nga sendet e zakonshme me një përdorim, përfshirë pipat, shkopinjtë me pambuk për pastrimin e veshëve, lugët, pirunjtë e thikat plastike, balonat dhe kupat plastike.
Trupa qeverisëse e Bashkimit Europian po ashtu kërkon që pjesa më e madhe e shisheve plastike të mblidhen për riciklim, kjo deri në vitin 2025.
Plani duhet të miratohet nga 28 shtetet anëtare dhe Parlamenti Europian përpara se të nisë të zbatohet.
“Mbetjet plastike nuk mund të mohohet që janë një problem i madh dhe europianët duhet të veprojnë së bashku për ta marrë nën kontroll këtë çështje”, tha zëvendës-presidenti i parë i BE-së, Frans Timmermans.
Sipas tij, propozimet në fjalë do të reduktojnë plastikën njëpërdorimëshe në raftet e supermarketeve përmes një sërë masash. /tesheshi.com/
