Një raport i Kontrollit të Lartë të Shtetit ka nxjerrë në pah se si zyrtarë të niveleve të ndryshme marrin paga të majme prej bordeve sa andej këndej. Konsideriohen jo si pleshta ku mundet që me pak sforco të nxjerrësh pak dhjam, por si lopë të cilat që milen rregullisht prej sisave të bëshme plotërplot.
Por paradoksi qëndron në faktin se përveçse milen, këto lloj lopësh nuk ushqehen kurrë, ç`ka i katandis në ngordhësira përsëgjalli.
Për ta ilustruar më mirë këtë fakt, shërben shembulli i Ujësjellësave. Nga ky sektor i zhytur deri në fyt në borxhe, kanë dalë goxha rroga, si numër e si shifër në vetvete, që kanë shkuar për deputetë që kanë gëzuar njëherësh dhe të qënit anëtarë bordi.
Rrogat i kanë marrë një e më një, por Ujësjellësin për të cilin kanë dhënë ide dhe kontribute të vyera, e kanë lënë të masakrohet si sektor.
Një shëmbëlltyrë tjetër e këtij paradoksi është një ish-njeri i kabinetit Berisha me detyrën këshilltare, numri i rrogave të së cilës për shkak të pjesëmarrjes në borde i kalonte të 30-at.
Pra, të marrësh mbi 30 rroga në një vend të katandisur si mos më keq, ku nuk gjen një sektor ku punët të kenë shkuar mbroth. /tesheshi.com/
