Të gjithë i njohim përfitimet dhe të mirat që ui ka në organizëm. Ai na ndihmon të qëndrojmë të rinj dhe stimulon diureksinë. Të push shumë ujë ka edhe përfitime të tjera, siç është humbja në peshë. Nicola Sorrentino ka treguar se uji jo vetëm të pastron, por ndihmon edhe në dobësim, duke stimuluar proceset metabolike.
Natyrisht, kjo dietë duhet të shoqërohet nga aktiviteti fizik i vazhdueshëm dhe nga një dietë e shëndetshme dhe e ekuilibruar, për të pasur rezultate brenda pak kohe në trup. Ushqimet që duhen kombinuar me dietën e ujit janë ato të pasura me fibra dhe lëngje si fruta e perime, por edhe drithërat, peshku e pse jo, edhe proshuta.
Këshillohet që buka dhe pastat (makaronat) të konsumohen në sasi të moderuar. Rregulli kyç dhe çelësi i kësaj diete është të konsumosh ujin me stomakun bosh. 8 gota në ditë përpara vakteve kryesore. Dy gota përpara se të konsumoni mëngjesin, dy gota përpara se të konsumoni drekën dhe dy gota para se të konsumoni darkën.
Mund të konsumoni ujë normalisht edhe gjatë vakteve. Këshillohet konsumi i ujit natyral me piatat delikate dhe ujë me gaz me pjatat që kanë shije të forta. Për shembull, për mëngjes mund të konsumoni edhe një filxhan çaj apo një filxhan qumësht soje të shoqëruar me 20 gramë drithëra ose dy feta bukë të thekur, ndërsa më pas, mes mëngjesit dhe drekës mund të konsumoni agrume apo fruta të thata.
Në drekë mund të kombinoni një sallatë dhe peshk në grillë me patate të ziera, pas dreke kos me yndyrna të pakta apo disa arra dhe në darkë makarona me salca të lehta./tesheshi.com/
