Edhe kreu demokrat Basha përshëndetin atë që është bërë lajm nr.1 këto ditë në Itali; dërgimin nga Shqipëria të 30 mjekëve e infermierëve në shtetin fqinj, të goditur rëndë nga koronarovirusi.
Por edhe pse një inisiativë qeveritare, Basha zgjodhi të përzgjedhë vullnetin individual të atyre 30 bluzave të bardha për t’u dedikuar falenderimin e tij.
“Dua t’i falenderoj nga zemra që treguan gatishmërinë të mbështesin Italinë në këtë moment të vështirë. Punë të mbarë dhe të kthehen shëndosh e mirë, falenderoj me qindra ndoshta me mijëra të mjekëve shqiptar në Itali.. Jemi në borxh mirënjohje për ta, akte heroizmi të panjohura për shumë nga ne”, tha Basha.
Nga ana tjetër, media e opionioni italian po i mëshojnë fort meritës së kryeministrit Rama në këtë akt solidariteti, në një nga periudhat me të vështira për fqinjin përtej detit.
Fjalët e Bashës u detyruan nga pyetje gazetarësh mbi këtë zhvillim, gjatë një konference për shtyp. /tesheshi.com/
