Ndërron jetë Cynthia, gruaja e parë e John Lennon – ja ç`hoqi e gjora prej “beatlesman”-it legjendar

Cynthia Lennon ndërroi jetë në moshën 75 vejçare dhe ishte bashkëshortja e parë e John Lennon dhe mamaja e djalit të tij Julian. Marrëdhënia e tyre ishte 10-vjeçare dhe zgjati deri në momentin kur në jetën e John hyri Yoko Ono. Por Cynthia ishte dashuria e parë e muzikantit të famshëm dhe ata patën një hisotri të gjatë bashkë. Në fakt marrëdhënia e tyre nisi që të ndryshonte kur Lennon filloi të bëhej i famshëm dhe i pasur dhe Cynthia qëndroi në hije vetëm me të birin.

Ndaj, kur Yoko hyri në jetën e të shoqit, për të ndarja nuk ishte më një surprizë. Madje as dita kur ajo hyri në shtëpi dhe u përball me sinqeritetin e të shoqit që i njoftoi fundin e martesës së tyre. Ajo shpesh ishte pre e shpërthimeve nevrike të të shoqit. Kështu njëherë ai nuk i foli i për tre ditë sepse Cynthia e kishte ndryshuar modelin e flokëve pa lejen e  tij.  Por në fakt, edhe pse Yoko ishte fundi i tmerrshëm i historisë së saj martesore, Cynthias ju desh që të duronte edhe shumë tradhëti të tjera të të shoqit.

Ndërsa në jetën që pasoi ndarjen nga Lennon, Cynthia u morr me manaxhimin e një lokali, punoi si gazetare televizive dhe madje dizenjoi edhe një linjë me produktet e saja kozmetike. Por marrëdhënia me Yokon mbeti gjithmonë shumë e tensionuar dhe e huaj. Sipas asaj që ka shkruar në një libër mbi marrëdhënien e saj me Lennon, Cynthia thotë se nëse do ta kishte ditur se çfarë do ta bënte që të përjetonte lidhja me muzikantin, do ta kishte lënë atë që në momentin e parë  kur e pa.

John-in e njohu në moshën 18-vjeçare dhe ai kishte një pasion shumë të madh për rrokun si dhe një stil të veçantë në veshje. Ata u dashuruan që herën e parë kur u panë dhe kështu nisi lidhja e tyre me shumë ulje e ngritje, një lidhje shpesh abuzive nga anan  e Lennon. Ajo e ndiqte të dashurin nëpër koncerte dhe merrte pjesë në seancat e gjata të pijeve edhe kur u themelua grupi “Beatles” në verën e vitit 1960.

Endrra e saj ishte të bëhej mësuese arti ndërkohë që Lennon vazhdonte me bandën e tij nëpër Liverpul. Në verën e vitit 1962 zbuloi se kishte mbetur shtatzënë  dhe Lennon ngulmoi që të martoheshin, e kështu  vunë kurorë dhe filluan të jetonin në shtëpinë e tezes së John. Djali i tyre lindi në prill të vitit 1963. Në momentet kur grupi u bë i famshën, Cynthia dhe i biri, në njëfarë mënyre qëndronin larg fansave të fshehur. Por në një moment u detyruan që të bëheshin publikë dhe filoi për të një jetë shumë e gjallë me të shoqin, pasi shpesh e shoqëronte në koncerte.

Së bashku provonin edhe droga të ndryshme.  Një pikë krize në lidhjen e tyre ishte viti 1967, kur sipas Cynthias ai po  largohej shumë. Pikërisht ky është momenti John lidhet me Yokon dhe shkëmbejnë vazhdimisht letra. Ata u takuan në Londër dhe që atëhere u lidhën shumë. Më pas erdhi divorci me gjithë dramat për ndarjen e pasurisë. Pas vdekjes së të shoqit, Cynthia botoi dy libra për të  në të cilat ka bërë një analizë të personalitetit të Lennon dhe bashkëjetesës. U rimartua tre herë dhe mbajti gjithë jetës mbiemrin e burrit të parë.

                                                                                                                                                     Përgatiti: Dori Daka