Petr Cech, portieri i tanishëm i Arsenal-it pas shumë viteve të kaluara te Chelsea, u paraqit me një fotografi në kornizë para duelit të së shtunës ndaj Newcastle United-it në “Emirates Stadium”, të ofruar në shenjë mirënjohjeje për të për rekordin e ndeshjeve në kampionatin anglez pa pësuar gol.
Portieri legjendar pati thyer javën e shkuar rekordin e David James-it, pasi në sfidën ndaj Bournemouth-it arriti ta mbante portën të paprekur për të 170-ën herë në Premier League.
Ky rekord i çekut do të vazhdojë me siguri të thellohet, teksa “gardiani” duket se do të qëndrojë edhe disa vite në kampionatin anglez. Cech la Chelsea-n në verën e 2015-ës për të kaluar te Arsenal-i, dhe e ka mbajtur të paprekur portën e tij nëntë herë këtë sezon. /tesheshi.com/
