Të vrarët në luftimet në Kumanovë sot në ora 17 do të varrosën në varrezat e dëshmorëve në Prishtinë. Xhafer Zymberi, Mirsad Ndrecaj, Valon Kabashi, Turgaj Gashi, Samid Kastrioti, Hysen Rushiti, Fatlum Vishesella dhe Arben Rexhaj do të varrosen sot në varrezat e dëshmorëve në Prishtinë. Edhe pse nuk ka organizim shtetëror për varrimin e 8 të rënëve në Kumanovë, ish-pjesëtar të UÇK-së, të veshur me uniforma kanë bartur arkivolet duke i futur ato në sallën “1 tetori” ku do të mbahen homazhe për të rënët.
Në këtë ceremoni po marrin pjesë edhe disa deputetë të Kuvendin të Kosovës, duke bërë homazhe para arkivoleve.
Në mesin e deputetëve janë: Anton Çuni, Fisnik Ismajli, Ahmeti Isufi, Lahi Brahimaj, Albulena Haxhiu, Rexhep Selimi, Aida Dërguti, Donika Kadaj-Bujupi, por mund të ketë edhe të tjerë që nuk po shihen, pasi që numri i të pranishmëve është i madh. Ndërsa deri më tani nuk është parë asnjë përfaqësues i institucioneve qeveritare.
Gjithashtu një numër i madh i qytetarëve po bëjnë homazhe para të vrarëve. Ndërkohë ajo që bie në sy është fakti se nuk ka as edhe një përfaqësues të institucioneve të Kosovës.
