Një takim totalisht sekret është organizuar sot në Tiranë mes drejtorit të Agjencisë Qendrore të Inteligjencës (CIA) John Brennan dhe krerëve të lartë të shtetit, si presidentin Bujar Nishani, kryeministrin Edi Rama, dhe ministren e Mbrojtjes, Mimi Kodheli.
Njoftimi për këtë takim u bë publik nga ambasada amerikane disa orë pasi ishte larguar drejtori i CIA-s nga Shqipëria, duke e mbajtur atë krejt të fshehtë dhe jashtë syrit të medias.
Sipas këtij njoftimi zyrtar, thuhet se janë trajtuar një gamë çështjesh përfshirë sigurinë rajonale, bashkëpunimin kundër terrorizmit, shkëmbimin e informacioneve të inteligjencës, si dhe çështje të tjera dypalëshe.
Katër ditë më parë, diplomati dhe studiuesi Shaban Murati tha në një intervistë për Zërin e Amerikës se Rusia ka shtrirë influencën e saj jo vetëm në ato që mund të konsiderohen si shtete sllave në rajonin e Ballkanit, por dhe në Shqipëri./tesheshi.com/
