Finalja e Kupës daneze u pezullua për gati 15 minuta të mërkurën sepse tifozët nuk ndoqën rregullat e distancës fizike që janë në fuqi brenda stadiumit për të luftuar përhapjen e virusit koronar, tha policia.
Gjatë pjesës së parë, “gjyqtarit iu desh të ndërpresë ndeshjen për 15 minuta sepse tifozët e AaB (Aalborg) nuk donin të uleshin në vendet e tyre, por ishin në një turmë duke shkelur kështu rregullat e luftës kundër COVID”, tha policia në Twitter.
Pamjet e shfaqura më vonë treguan se anëtarët e stafit të Aalborg po bindnin, më kot, fansat e tyre të ktheheshin në vendet e tyre.
Çdo ekip mori 750 bileta për tifozët e tyre.
Deri më tani, maksimumi 500 persona janë lejuar të marrin pjesë në ndeshje, të cilët duhej të respektonin një distancë prej dy metrash, por të martën qeveria daneze miratoi një numër më të madh tifozësh në ulëse dhe distanca u ul në një metër.
Në Kopenhagë, deri në 10.500 tifozë lejohen të hyjnë në stadiumin më të madh në vend, i cili ka një kapacitet prej 38,000 vendesh. /tesheshi.com/
