Serbët e veriut të Mitrovicës dolën në një protestë kundër bashkimit të qytetit, siç është paralajmëruar së fundi nga autoritetet kosovare.
Me dhjetra serbë u përqëndruan para selisë së EULEX-it, për shkak se, siç thanë, kryetari i komunës së Jugut Mitrovicës Agim Bahtiri, po bën përpjekje për të marrë dhe administrimin e pjesës veriore.
Protesta u drejtuar nga një treshe e përbërë prej rektorit të Universitetit të Prishtinës me seli të përkohshme në Mitrovicë, Rade Grbiç, studentit Nemanja Bishevac dhe drejtorit të Qendrës Klinike Spitalore në Mitrovicë, Milan Ivanoviç.
Grbiç tha se shpallja e fundit nga Prishtina për aneksimin e pjesës veriore të Mitrovicës, është duke shkaktuar shqetësim të madh në universitet, të studentët dhe prindërit e tyre.
Ndërsa mjeku Ivanoviç, njoftoi atë që e quajti vazhdim të luftës për të mbrojtur të drejtat themelore të njeriut, siç është e drejta për trajtim shëndetësor.
“Protestat në Mitrovicë janë një luftë për jetën dhe për këtë arsye ne do të vazhdojmë për të luftuar kundër dhunës shqiptare, hegjemonisë, përpjekjeve për të na hequr të gjitha të drejtat”, tha Ivanoviç.
Sipas tij, autoritetet shqiptare po tentojnë pastrimin etnik me okupimin e veriut të Mitrovicës ku jetojnë serbët, tha Ivanoviç.
Komunat e Mitrovicës veriore të Mitrovicës dhe Mitrovicës Jugore u themeluan në bazë të planit gjithëpërfshirës të Ahtisarit për Kosovën.
Që pas luftës qyteti mbetet i ndarë e ura simbol, ajo e Ibrit është e pakalueshme nga qytetarët e dy kahjeve. /tesheshi.com/
