Barcelona dhe Real Madridi ishin fituesit e vetëm në ndarjen e çmimeve për më të mirët e sezonit të shkuar në La Liga. Në momentin më të mirë të sezonit, Lionel Messi u konfirmua edhe njëherë si lojtari më i miri në kampionatin spanjoll, duke lënë prapa kështu rivalin e tij, Cristiano Ronaldo-n.
Klubi azulgrana rrëmbeu edhe tre çmime të tjera. Luis Enrique fitoi trofeun e trajnerit të vitit, Claudio Bravo, portieri më i mirë dhe Lionel Messi si sulmuesi më i mirë.
Ndërkohë, duarthatë nuk mbetën as madrilienët. Sergio Ramos u zgjodh mbrojtësi më i mirë për të tretin vit radhazi, ndërkohë kolumbiani James Rodrigues, fitoi garën përballë Andres Iniesta-s dhe Antoine Griezman për mesfushorin e vitit.
Cristiano Ronaldo morri çmimin si lojtari më i mirë i votuar nga publiku. Ndërsa, braziliani Neymar mori epitetin e lojtari më të mirë amerikan dhe Feghouli, trofeun e lojtarit më të mirë afrikan.
Ceremonia e ndarjes së çmimeve për laureatët më të mirë në La Liga është për tu veçuar, pasi për të parën herë u mbajt në qytetin e Barcelonës, me gjithë polemikat e shumta të krijuara./tesheshi.com/
