Është shuar papritmas Arben Duka, poet i njohur, autor tekste këngësh në festivale, si dhe autor i Himnit të Policisë. Ndërsa vitet e fundit shkruante krijime të përditshme politik-satirike te gazeta Dita. Thuhet se ka ndërruar jetë nga një atak kardiak.
Në një jetëshkrim të tij thuhet se Arben Duka lind në Labovë të Gjirokastrës. Ka mbaruar Akademinë Ushtarake dhe Universitetin “Aleksandër Xhuvani”. Është autor i mbi pesëdhjetë vëllimeve poetike të botuara e të ribotuara gjer në pesë herë.
Është bashkëautor në rreth tre mijë këngë të të gjitha zhanreve duke filluar qysh nga viti 1974. Ka dhjetra çmime si autor dhe bashkëautor në gjininë e këngës.
Ka patur dhe një angazhim, gjithsesi periferik me PS-në, dhe njihej si figurë e majtë. /tesheshi.com/
