Një zyrtar i lartë i NATO-s ka thënë për Daily Sabah se në Samitin në Varshavë, i cili pritet të mbahet me 8 dhe 9 qershor, do të aprovohet një paketë masash për t’i ardhur në ndihmë ushtrisë turke në kufirin me Turqinë.
Ai ka deklaruar se NATO planifikon të shtojë prezencën e tij në rajon, në afërsi të kufirit turko-sirian, duke dërguar më shumë anije dhe avionë, e duke marrë në kontroll qiellin mbi kufirin turko-sirian.
Qyteti turk Kilis, gjatë muajve të fundit ka qenë pre e goditjeve të raketave të Shtetit Islamik dhe vetë Sekretari Gjeneral Jens Stoltenberg ka thënë se situata në kufirin turko-sirian është prioritet për Aleancën.
Zyrtari i NATO-s shprehet se Italia planifikon të dërgojë raketat SAMP-T në kufirin turko-sirian. Ato janë gjenerata e fundit e raketave tokë-ajër. Sipas zyrtarit të lartë mësohet se NATO do t’i mundësojë Turqisë sistemin me anë të së cilit mund të zbulohen anijet dhe avionët kundërshtarë.
Gjithashtu, zyrtari ka thënë se ekziston mundësia që në kufirin turko-sirian të dërgojë edhe pajisje spanjolle, siç janë bateritë për raketa dhe dronë. /tesheshi.com/
