Komuniteti Mysliman i Shqipërisë, duke parë numrin e besimtarëve gjithnjë e në rritje nga viti në vit, për të cilët hapësirat e xhamive të Tiranës janë të pamjaftueshme edhe në netë normale të Ramazanit dhe për ta vlerësuar bashkarisht “Natën e Kadrit”, e cila është më e vlefshme edhe se sa një mijë muaj, falja e namazit të teravisë do të kryhet në bulevardin “Dëshmorët e Kombit” (para ish-Hotel Dajtit).
Krahas faljes së namazit të jacisë dhe të teravisë do të ketë edhe ligjërata të shkurtra nga drejtues të Komunitetit Mysliman dhe hoxhallarë të nderuar:
Ali Zaimi, “Nata e Kadrit më e vlefshme se një mijë muaj”
Ylli Gurra, “Ndodhitë e Natës së Kadrit”
Elvis Naci, “Nata e Kadrit, nata e paqes”
Ahmet Kalaja, “Nata e Kadrit, nata kur zbriti Kur’ani”
Sabaudin Jashari, “Përjetimi i Natës së Kadrit”.
Programi fillon në orën 21:30 me lexim Kur’ani (nga Elton Karaj).
Në orën 22:00 përshëndetje e kryetarit z. Skender Bruçaj.
Ora 22.11 ezani i jacisë.
Falja e Jacisë dhe e teravisë e shoqëruar me ligjërata nga të sipërpërmendurit, dhe në fund dua dhe lutje nga Bujar Spahiu dhe Bilal Teqja.
