Astronauti amerikan Frank Borman, i cili drejtoi misionin Apollo 8, vdiq në moshën 95-vjeçare, njoftoi agjencia amerikane e hapësirës NASA.
“Sot kujtojmë një nga njerëzit më të mirë të NASA-s. Astronauti Frank Borman ishte një hero i vërtetë amerikan”, tha kreu i NASA-s, Bill Nelson.
Si komandant i Apollo 8, Borman udhëhoqi misionin e parë me njerëz rreth Hënës në vitin 1968 dhe hapi rrugën për uljen në satelitin natyror të Tokës disa muaj më vonë.
I lindur në shtetin amerikan të Indianës, Borman zhvilloi një pasion për aeroplanët që në moshën 15-vjeçare, gjë që e çoi atë në Forcat Ajrore dhe më vonë në NASA.
Nga viti 1950 e në vazhdim ai ishte pilot luftarak dhe më vonë asistent profesor i termodinamikës në Akademinë Ushtarake Ëest Point në shtetin e Neë York-ut. Në vitin 1967, ai ishte anëtar i bordit hetimor që hetoi zjarrin e anijes kozmike Apollo që vrau tre astronautë.
Më vonë ai u emërua kreu i programit Apollo dhe drejtoi ekipin që ridizajnoi anijen kozmike Apollo.
Pasi u tërhoq nga Forca Ajrore në 1970, Borman u bë një konsulent për Eastern Airlines përpara se të mbante poste të ndryshme të larta atje, duke përfshirë të bëhej president i saj. Borman shërbeu gjithashtu si ambasador special presidencial në udhëtime në të gjithë Lindjen e Largët dhe Evropën.
Borman ka marrë çmime të shumta, duke përfshirë Medaljen Hapësinore të Kongresit të Nderit. Në vitin 1990, Borman u fut në Sallën e Famës Ndërkombëtare të Hapësirës dhe në vitin 1993 në Sallën e Famave të Astronautëve Amerikanë. /tesheshi.com/
