Napoli nuk ndalet më dhe fiton edhe ndeshjen “klasike” me Milanin 2-1.
Skuadra e Sarrit nuk ka hequr dorë nga loja “e saj” me pasime të shpejta e me një takim, duke vënë disi në vështirësi mesfushën e Milanit.
Insigne dhe Mertens lëvizin papushim, e është portieri i Milanit Donarumma ai që shpëton portën nga goli. Por adoleshenti gjigand i kuq e zinjve nuk kishte çfarë të bënte përballë gjuajtjes së Insignes, që kaloi Napolin në avantazh.
Edhe pas golit Milani bën pak për të marrë kontrollin e ndeshjes dhe është i sapofuturi në fushë Zielinski ai që dyfishon shifrat. Vetëm në minutat shtesë, Milani gjen golin pas një gjuajtjeje të bukur nga jashtë zone të Romagnolit.
Napoli pas kësaj fitoreje konsolidon vendin e parë në kampionatin italian, duke i bindur të gjithë se do të jetë një nga skuadrat kryesore që do luftojë për titull.
Ndërsa Milan qëndron në vendin e tetë, 16 pikë më pak se Napoli, me formacionin që nuk ishte sërish i njëjti dhe me trajnerin Montella në rrezik të “mbushjes së gamiles”. /tesheshi.com/
