Pas një trendi negativ prej shumë kohësh, çmimi i naftës në tregjet ndërkombëtare ka nisur kurbën e rritjes, ndërsa është tregtuar me 10 për qind më shumë për shkak të rritjes së prodhimit të brendshëm në Shtetet e Bashkuara dhe rimëkëmbjes së aksioneve kineze.
Nafta kurdo Brent arriti deri në 48.43 dollarë për fuçi mëgjesin e së premtes, duke fituar 10.9 për qind pas një rënieje të vazhdueshme që e kishte reduktuar çmimin deri në 43.65 dollarë për fuçi.
Kjo rritje shënon rikuperimin më të shpejtë brenda një dite që prej vitit 2009. Në Kinë, indekset e aksioneve gjithashtu njohën rritje të shpejtë.
Rimëkëmbja e tregut të aksioneve ka shtuar ndjesinë për një rimëkëmbje të shpejtë të Kinës që do të thotë rritje e kërkesës për naftë prej saj, që është reflektuar në rritjen e çmimit të naftës.
Për më tepër, banka qendrore kineze njoftoi për injektimin e 21.8 miliardë dollarëve në sistemin financiar të vendit. Një gjë e tillë, sipas ekspertëve, do të ndihmojë ekonominë kineze duke bërë që edhe çmimi i naftës krudo të nisë rritjen graduale në muajt që vijnë. /tesheshi.com/
