Rafael Nadal përforcon pozitën në krye të renditjes botërore të tenisit, pasi fitoi edhe turneun e Pekinit në fundjavë. Me të njëjtin intensitet dhe dëshirë, si kur ishte 20 vjeç, spanjolli e ka thelluar diferencën me rivalin dhe mikun e tij të përjetshëm, Roxher Federer, që renditet i dyti.
Pavarësisht talenteve që kanë dalë në skenën e këtij sporti, sërish janë “të vjetrit” që thonë fjalën kryesore në tenis. Me shumë gjasa, Nadal do ta mbyllë në vendin e parë këtë vit, çka do të ndodhte për herë të katërt në jetën e tij.
Spanjolli ka 2360 pikë më tepër se Federer, e nëse deri në fund të sezonit, zvicerani fiton të gjithë turnetë (Shangai, Basilea, Paris Bercy dhe ATP finals), pra merr 4 mijë pikë, Nadal sikur edhe i dyti të dalë tek secili turne, do të mjaftohej për ta mbyllur në vendin e parë këtë vit. Diçka të tillë spanjolli e ka bërë edhe në vitet 2008, 2010 dhe 2013.
Po kështu mëngjarashi impulsiv, do të jetë i pari në histori, që kthehet në vendin e parë të renditjes botërore, 9 vjet pasi ka qenë për herë të parë numri një. Mjafton vetëm ky fakt, për të nxjerrë vetë konkluzione se çfarë përgatitjeje atletike ka tenisti spanjoll, i cili bashkë me Federer, janë personazhet e këtij mijëvjecari për sportin e tenisit. E mbi të gjitha, janë ende rivalët për tu mundur. /tesheshi.com/
