Zakonisht gjërat ekspozohen në një muze për vlerën e tyre ndaj një publiku të caktuar, por Muzeu i Ndarjeve është i dedikuar për të gjithë ata që e kanë zemrën të thyer apo kanë kaluar ndonjë dështim në dashuri.
Muzeu është projektuar në Kroaci nga regjisorë filmash dhe producentët Olinka Vištica dhe Dražen Grubišić.
Ideja u erdhi kur ata të dy u ndanë pas një marrdhënie 4 vjeçare dhe filluan të mendonin për fatin e gjërave të përbashkëta.
Ata menduan se do ishte fantastike nëse këto sende do të ruheshin dhe do të ekspozoheshin për një publik i cili do mund të gjente veten përmes tregimeve që do të përcillnin këto kujtime, qoftë thjeshtë për “të qarë hallin” e ndonjërit me zemër të thyer, qoftë për të ndihmuar njerëzit të ecin para dhe të tejkalojnë pengesat e së shkuarës. /tesheshi.com/
