Në profilin e tij në Facebook i aspo rizgjedhuri kryetar i LDK-së .. Isa Mustafa ka uruar të gjithë për fitoren duke e cilësuar si fitore të elektoratit të partisë. Ai thotë se kjo fitore kjo është fitore e juaj, nuk është e imja. Unë jam në shërbimin tuaj dhe do të jap çdo gjë nga vetja ime për këtë besim. Po ashtu z. Musataf ka reaguar edhe ndaj medias duke e cilësuar si presion të paparë medail, ku thekson se dikush ka marrë letra dhe porosi nga gazetar, redaktorë dhe përfaqësues të shoqërisë civile, se kënd duhet ta përkrahni e ta votoni.
Ja urimi i plotë i z. Isa Mustafa
Urime LDK!
Urime për fitoren tuaj. Sepse, kjo është fitore e juaj, nuk është e imja. Unë jam në shërbimin tuaj dhe do të jap çdo gjë nga vetja ime për këtë besim.
Ju kërkoj falje, që dhjetë ditë, së bashku me mua, përjetuat një presion të paparë mediale. Morët letra dhe porosi nga gazetarë e redaktorë, nga përfaqësues të shoqërisë civile, se kënd duhet ta përkrahni e ta votoni. Këto letra i morët nga ata që sot në emër të lirisë së medias, po ankohen se LDK- nuk ishte transparente. Unë po ua përcjell atyre këtë fotografi, t’ua tregoj transparencën e LDK-së.
Po i lus, që në të ardhmen të mos tentojnë të ndërhyjnë në mënyrë flagrante dhe të cenojnë dinjitetin dhe lirinë e delegatëve tanë. I juaji, Isa Mustafa
