Kreu i LDK-së, Isa Mustafa ka njoftuar se partia e tij ka përmbyllur listën për deputetë, e cila pritet të bëhet publike nga Komisioni Qendror i Zgjedhjeve, ndërsa ai vetë ka hezituar ta bëjë këtë gjë, duke mos shpjeguar as arsyet përse.
Në vend të kësaj, Mustafa përmes një postimi të bërë në Facebook, ka zgjedhur të shpalosë vetëm cilësitë e tyre, duke i ofruar në një formë tejet të hiperbolizuar deri në kufijtë e shenjtërimit”.
“Njerëzit tanë kanë integritet personal e familjar për t’i ofruar zhvillim Kosovës, ç’kapje përfundimtare të shtetit dhe qeverisje evropiane. Nuk ofrojnë fjalë, protagonizëm, popullizëm, premtime e afate të kota. Gra e burra, të rinj e të reja që kanë marrë besimin e këtyre subjekteve politike, kanë respektin e plotë të qytetarëve. Unike dhe e pandarë për interesat madhore të Kosovës, lista kryesohet nga kandidati për Kryeministër, z. Avdullah Hoti. E ka përkrahjen time të plotë, si Kryetar i LDK-së”, është shprehurMustafa.
Tashmë kanë mbetur vetëm LDK dhe PDK të cilat ende nuk kanë zyrtarizuar kandidatët për deputetë, për çka janë kritikuar jo pak. Ndërsa partitë tjera, VV, AAK, NISMA, e partitë më të vogla ka kohë që kanë bërë publike listat e tyre. /tesheshi.com/
