Isa Mustafa, ka folur pas rizgjedhjes së tij kryetar i Lidhjes Demokratike të Kosovës (LDK). Ai ka thënë se procesi ka qenë i rregullt dhe demokratik.
Mustafa u është përgjigjur edhe zërave, të cilët e kundërshtuan zgjedhjen e tij në krye të LDK-së. Ai ka thënë se në këto zgjedhje ka fituar Lidhja Demokratike e Kosovës. “Unë nuk merrem me fjalorin e atyre që më kritikuan. Ishte një Kuvend i suksesshëm ashtu siç e ka natyrën LDK-ja me mundësi të vërejtjeve, me vota ashtu siç e parasheh rregullorja edhe statuti dhe me pajtim të pjesës dërmuese të delegatëve të Kuvendit. Në fjalorin e atyre që e kanë në mendësinë e tyre diktaturën nuk merrem. Delegatët, që kanë qenë këtu janë të vetëdijshëm dhe të moralshëm për votën e tyre, pasi që është pronë e tyre. Ata më kanë votuar në përjashtim të dy apo tre të tjerëve dhe çdo cilësi tjetër është edukatë e tyre personale”, ka deklaruar Mustafa.
Ai ka garantuar anëtarësinë e LDK-së se do t’i fitojnë zgjedhjet e ardhshme nacionale.
