Me rastin e 25- vjetorit të ditës së Kushtetutës së Kosovës e vitit 1990, e njohur si Kushtetuta e Kaçanikut, kreu i Qeverisë Isa Mustafa, i ka uruar të gjithë qytetarët për këtë ditë të shënuar në historinë e shtetit të Kosovës.
Ai ka theksuar se 7 Shtatori është një prej datave më të rëndësishme në rrugën e popullit të Kosovës drejt lirisë, demokracisë dhe pavarësisë.
Ai po ashtu theksoi se miratimi i Kushtetutës së Kaçanikut, vendosi themelet e shtetit të pavarur të Kosovës dhe dëshmoi vendosmërinë e pathyeshme të qytetarëve të vendit për të realizuar aspiratat e tyre shtetformuese.
Në këtë ditë të shënuar, kryeministri Isa Mustafa ka përkujtuar dhe ka shprehur mirënjohje edhe për deputetët e atëhershëm të Kuvendit të Kosovës, të cilët në rrethana tejet të vështira miratuan kushtetutën e Kaçanikut./tesheshi.com/
