Kryeministri Kosovës Isa Mustafa, mori pjesë në takimin e pestë plenar të Dialogut për Procesin e Stabilizim Asociimit.
Në këtë takim, ishin të pranishëm edhe drejtori për Ballkanin Perëndimor në Komisionin Evropian, Jean Eric Paquet, ministra, deputetë dhe përfaqësues të tjerë të institucioneve vendore e evropiane, kryeministri Isa Mustafa theksoi se Marrëveshja për Stabilizim Asociim do të shërbejë si themel i procesit integrues të Kosovës dhe mundësi për zhvillim ekonomik.
Ai po ashtu ka deklaruar se kjo marrëveshje është e rëndësishme, sepse i kontribuon forcimit të demokracisë dhe sundimit të ligjit në Kosovë, forcimit të stabilitetit politik dhe ekonomik, zhvillimit të marrëdhënieve të ngushta politike ndërmjet Kosovës dhe institucioneve të BE-së dhe vendeve anëtare veç e veç, nxitjes së zhvillimit ekonomik të Kosovës, harmonizimit të legjislacionit me BE-në dhe nxitjes së bashkëpunimit rajonal. Të gjitha këto dimensione janë thelbësore për zhvillimin dhe përparimin e Republikës së Kosovës, ka theksuar Mustafa
Sa i përket procesit të liberalizimit të vizave, kryeministri Mustafa vlerësoi përkushtimin e madh të të gjitha institucioneve të Kosovës për zbatimin e kritereve nga udhërrëfyesi për liberalizim të vizave, si dhe zbatimin e rekomandimeve të misioneve vlerësuese të Komisionit Evropian, duke shprehur besimin që vlerësimet e fundit të jenë pozitive dhe që Kosova më në fund të marr rekomandimin për liberalizimin e vizave, ka deklaruar Mustafa./tesheshi.com/
