Shefi ekzekutiv i prodhuesit amerikan të makinave elektrike Tesla, Elon Musk njoftoi ndërprerjen e kontratës me Twitter Inc, me vlerë 44 miliardë dollarë, për shkak të shkeljes materiale të disa dispozitave të kontratës.
Kjo i dha fund “sagës nëse Musk do të marrë apo jo përsipër Twitterin, dhe pas nënshkrimit të një kontrate me Twitter në prill të këtij viti dhe më pas vendosjes së blerjes së kësaj kompanie në pritje derisa Twitter të provojë se të ashtuquajturat spam bots përbëjnë më pak se pesë për qind të totalit të përdoruesve.
Aksionet e Twitter ranë gjashtë për qind në tregtimin e zgjatur, raporton Reuters.
AP shkruan se nuk dihet nëse bordi i Twitter do të pranojë dëmshpërblimin prej 1 miliard dollarësh apo do të kërkojë zgjidhje në gjykatë.
Musk, njeriu më i pasur në botë, tha më parë se një nga prioritetet e tij pas marrjes së Twitter-it do të ishte heqja e “bots spam” nga platforma. /tesheshi.com/
