Mbreti Charles III, 74 vjeç, po kërkon një kuzhinier të ri për Buckingham Palace.
Zëvendës-kuzhinieri i ri pritet të gatuajë jo vetëm për monarkun, por edhe për punonjësit e pallatit dhe të ftuarit në banketet madhështore shtetërore, sipas shpalljes së vendit të punës. “Kjo punë është me të vërtetë unike” . “Premier Sous Chef” do të ndihmojë në udhëheqjen e “një ekipi profesionistësh të talentuar në kuzhinat mbretërore”, thuhet aty.
Në lidhje me detyrat e një ndihmëskuzhinieri, thuhet: “Si ndihmës i shefit të kuzhinës, ju duhet të mbikëqyrni përgatitjen e përditshme të vakteve dhe të siguroni që çdo vakt të jetë i standardit më të lartë, qoftë vakt i stafit apo një banket i madh shtetëror. “
Ndihmës shefi i ri i kuzhinës do t’i bashkohet një ekipi prej 30 vetash që operojnë nga gjashtë rezidenca të ndryshme, duke i bërë “mundësitë dhe shumëllojshmërinë e ofruar nga ky rol të pakrahasueshme”.
Reklama e punës vazhdon: “Ju do të zhvilloni dhe përgatitni një shumëllojshmëri menush dhe do të gjeni përbërësit më të mirë sezonalë, si dhe do të ndihmoni në menaxhimin e niveleve të inventarit dhe koordinimin e listave të stafit.”
Aplikimet janë të hapura për kuzhinierë të cilët janë “shumë të kualifikuar dhe me përvojë”, kanë punuar tashmë në nivel menaxherial dhe vijnë nga një restorant i nivelit të lartë ose nga një tregti ushqimi me pesë yje.
Do të ishte gjithashtu e dobishme nëse punonjësi i ri i pallatit ka përvojë në kuzhinën vegane. Mbreti Charles ha ushqime vegane një ditë në javë dhe vakte vegjetariane dy ditë në javë, siç zbuloi dikur në një intervistë për BBC.
Reklamën mund ta shihni këtu:
https://theroyalhousehold.tal.net/vx/lang-en-GB/mobile-0/appcentre-1/brand-3/candidate/so/pm/1/pl/4/opp/2863-Premier-Sous-Chef/en-GB
