Hosni Mubarak është liruar nga akuzat për vdekjen e qindra manifestuesve gjatë protestave të vitit 2011 dhe është dënuar me tre vite burg për përdorimin e fondeve publike në shërbim të pallatit të tij presidencial.
Mohamed Morsi, presidenti i parë egjiptian i zgjedhur me zgjedhje demokratike, pas kryengritjeve të Pranverës Arabe dhe u rrëzua nga grushti i shtetit ushtarak. Ai u dënua me vdekje për vrasje masive të të burgosurve gjatë trazirave.
Siani, vriten tre gjyqtarë- Nëse Hosni dhe të bijtë, Alaa dhe Gamal u proceduan dhe akuzuan për korrupsion, për presidentin islamik, i cili është në arrest shtëpiak prej vitit 2013, akuza që rëndon mbi të është se ka shkaktuar dhunë për rrëzimin e Mubarakut.
Dy persona dhe dy masa, në drejtim të kundërrevolucionit, siç është sqaruar prej kohësh. Tre orë pas dhënies së dënimit për Morsin, transmetuesi i Al Arabya ka bërë me dije nëpërmjet një njoftimi në Twitter se ‘elementë të armatosur kanë vrarë me armë zjarri tre gjyqtarë në al-Arish”, në Sinain qendror.
Në muajin prill, Morsi lideri i Vëllazërisë, u dënua nga Gjykata për asistim në ngjarjet e Kairos, me 20 vite burg, për vrasjen e manifestuesve që më 5 dhjetor të vitit 2012 protestonin përpara pallatit presidencial.
Edhe atëherë pritej dhënia e dënimit me vdekje për nxitjen e vrasjes së dy protestuesve dhe një gazetari gjatë protestës, por ai u shpall i pafajshëm.
Ndaj tij rëndonin edhe procedime të tjera të rënda dhe një muaj më pas, dënimi me vdekje nga Gjykata e Kairos erdhi nën akuzën e vrasjes në masë të të burgosurve në burgun e Wadi el Natroun në janar të vitit 2011.
Përveç Morsit, janë proceduar penalisht dhe dënuar edhe 130 persona të akuzuar për pjesëmarrje në Vëllazëri si dhe për arratisje nga burgu dhe sulm të agjentëve të policisë, njëri prej të cilëve ngeli i vdekur gjatë protestave të vitit 2011, të cilat rrëzuan Mubarakun, i cili ishte në pushtet që prej vitit 1981.
Bashkë me ish presidentin egjiptian janë dënuar me vdekje edhe 106 të akuzuar, mes së cilëve drejtuesi i lartë i Vëllazërisë myslimane, Mohamed Badie.
Morsi i ka shpëtuar një dënimi të dytë me vdekje për spiunazh, më saktësisht, për kalimin e informacioneve të rezervuara në favor të Hamasit, krim për të cilin janë dënuar me vdekje 15 persona të tjerë. Mes tyre është edhe numri dy i vëllazërisë myslimane, Khairat el Shater dhe një grua e lëvizjes islamike.
Vendimi apelohet më 2 qershor – Vendimi i dy të proceduarve do të apelohet më 2 qershor të këtij viti, sipas prononcimeve të Myftiut të Madh. Në këtë rast do të specifikohet përfundimisht edhe dënimi për Morsin, gjatë procesit të Hamasit. Në vitin 2012, gjatë presidencës së Morsit, Mubarak u dënua me burgim të përjetshëm. Më pas dënimi u anulua pas marrjes së pushtetit nga forcat ushtarake, në qershor të vitit 2013 si dhe zgjedhjes së presidentit dhe ish-ministrit të Përgjithshëm të mbrojtjes Abdul Fatah al-Sisi./tesheshi.com/
