Ministria turke e Punëve të Jashtme ka cilësuar si “të dyshimtë” djegien e njëkohshme të pemëve në kopshtet e xhamive “Mahmut Aga” dhe “Alankuyu” në qytetin grek Komotini, në Trakinë Perëndimore të banuar nga pakica turke.
“Urojmë që autoritetet greke të zbardhin sa më parë ngjarjet e shëmtuara në vendet e sipërcituara, të cilat janë të shenjta për pakicën turke në Trakinë Perëndimore, si dhe presim që të merren masat e duhura për garantimin e qetësisë dhe sigurisë së pakicës turke”, nënvizohet ndër të tjera në deklaratën e MPJ në Ankara.
