Ministria e Punëve të Brendshme e Gjermanisë ka publikuar ditën e sotme shifrat zyrtare për azilkërkuesit.
Duket se kërkesat nga Shqipëria kanë pësuar një rritje të madhe pasi po ta krahasojmë me shifrat e 3.260 kërkesave në maj të 2014, ato kanë shkuar në 16.250 në maj të 2015.
Konkretisht, Ministria e Brendshme e Gjermanisë, në muajin maj ka pasur 16784, ndërsa në krahasim me një vit më parë kërkesat kanë pësuar rritje me 78,7%.
Prej tyre, 5687 veta kanë marrë statusin e refugjatit, sipas kritereve të Konventës së Gjenevës për Refugjatët, njoftojnë mediat gjermane.
Ndërkaq 84 persona krahas kësaj kanë fituar edhe mbrojtje plotësuese të mbështetur në të drejtën e BE-së ndërsa për 131 veta është përjashtuar mundësia e dëbimit. Nga ana tjetër, gjatë majit 6354 personave u është refuzuar kërkesa për azil.
Sipas MPB-së, në muajin maj nga Shqipëria ka pasur 4922 kërkesa për azil, ndërsa në vend të parë ka qënë Siria me 5100 kërkesa, pas tyre vjen Serbia me 1990 kërkesa, e katërta renditet Kosova e 1947 kërkesaKjo ministri bën me dije se vetëm gjatë muajit maj 2015 ka pasur 16784 kërkesa për azil, ndërsa deri më tani 5687 persona kanë marrë statusin e refugjatit.
Disa muaj më parë një valë e madhe shqiptarësh u larguan, ndërsa u vu re braktisja e disa qytezave, siç ishte ajo e Orikumit, e cila u braktis. Ky rast u pasqyrua gjerësisht në media.
Sipas raportimeve, si pasojë e largimit të të rinjve dhe familjeve të shumta, në këtë qytezë aktualisht ka më shumë të moshuar, të cilët kanë preferuar të qëndrojnë në vend, ndërsa të rinjtë janë larguar të shtyrë nga kushtet e vështira ekonomike dhe papunësia./tesheshi.com/
