Syriza e Alexis Tsipras, tashmë ka një “motër” edhe politikisht. Ajo jeton në Spanjë, quhet Podemos, parti e ekstremit të majtë, e cila të dielën ka triumfuar në zgjedhjet vendore.
Podemos e Ciudadanos, do të hyjnë si protagoniste në institucionet e reja lokale, që përbën një test në zgjedhjet politike të nëntorit.
Në Madrid ka ndodhur një përballje kokë më kokë mes Podemos dhe Partisë Popullore në qeverisje, dhe populloret shpresojnë se
kanë arritur mazhorancën e votave, ndërkohë në Barcelonë, Lista Barcelona in Comu e formuar si koalicion rreth Podemos dhe që kandidon për kryebashkiake Ada Colau bëhet forcë e parë, plot 11 vende përpara asaj të kryetarit aktual të bashkisë nacionalistit katalan Xavier Trias.
Lideri i Podemos Pablo Iglesias, deklaroi se ka nisur fundi i mbretërimit të dy partive në Spanjë PSOE dhe PPE. “Partitë e vjetra kanë arritur sonte rezultatin më të keq historik, tani ndryshimi është i pashmangshëm.
Podemos ka arritur të bëhet parti e parë edhe në Saragozë, në Valencia është në balotazh dhe në qytete të tjera. Por rëndësi ka trendi i votës që ka treguar një sinjal ndryshimi për Spanjën. Podemos, gjatë fitores së Syriza, gëzoi bashkë me Tsipras dhe himni që këndohej në kryeqytetin grek në të kohë ishte: Syriza-Podemos, Hasta la Vittoria.
/tesheshi.com/
