Probleme të mëdha në vend si pasojë e motit të keq, shiut dhe reshjeve të dëborës. Kudo në Shqipëri raportohen problem, sidomos në zonat malore, por edhe nq qytete të mëdha si Durrësi e Fieri.
Autoriteti Rrugor Shqiptar njoftoi se sërish ka ndodhur rrëshqitje masivi shkëmbor në Rrugën e Kombit.
Përmes një njoftimi për shtyp, ARRSH bëri të ditur se në vendin e quajtur Kolsh, 7 km nga Kukësi, ka ndodhur një shkarje masive që ka bllokuar njërën korsi të rrugës.
ARRSH në bashkëpunim me Drejtorinë e Rrugëve për rajonin verior dhe Drejtorinë e Policisë të qarkut Kukës ka marrë masa për menaxhimin e trafikut dhe vendosjen e sinjalistikës së nevojshme.
Kalimi në këtë aks rrugor bëhet në një korsi dhe janë marrë masat për ndërhyrjen dhe heqjen e masës shkëmbore. Ndërkohë, kërkohet që drejtuesit e mjeteve të bëjnë kujdes me respektimin e sinjalistikës rrugore
Reshjet e dendura të shiut kanë shkaktuar përmbytje në disa zona dhe rrugë, por edhe daljen elumenjëve nga shtrati.
Banorët e zonës tek ish-këneta në Durrës kanë kontaktuar duke apeluar edhe për ndihmë duke shtuar se askush nuk po u shkon në ndihmë, për shkak se Institucionet janë pushim. Ata theksojnë se uji ka hyrë tashmë në banesat e tyre apo edhe në disa biznese. Mbrëmjen e kaluar në Durrës uji për minuta të tëra ka mbuluar rrugët dhe trotuaret në lagjet, 14, 17, 18 dhe në afërsi të stacionit të trenit. Shkak për këtë situatë është bërë mos funksionimi i rrjetit të kanalizimeve.
Ndërkohë që në Fier lumi Gjanica ka dalë nga shtrati duke përmbytur edhe disa prej banesave që janë ndërtuar pranë tij. lagjet e përmbytura deri tani në Fier janë ‘1 Maji’ dhe ‘Konferenca e Pezës’
Ndërsa Shqipëria e mesme has problemin e përmbytjeve për shkak të reshjeve të shiut në veri problematika lidhet me reshjet e dëborës. Aktualisht trashësia e borës në qytetet e Kukësit dhe Krumës është 20 cm, ndërkohë që në zonat malore ka arritur në 45 cm.
Në qarkun e Korçës, edhe sot kanë vijuar reshjet e borës, deri tani nuk ka problem në akset nacionale. Ndërkohë që në vendet malore trashësia e borës arrin deri në 15 cm . Reshje intensive bore ka edhe në Qafë Thanë, Qafë Plloçë dhe në Dardhë.
Veriu mbulohet nga bora, Kukësi dhe Hasi pa energji
Rrethet Kukës dhe Has nuk furnizohen me energji elektrik dhe shkak është bërë një defekt në linjën 110 kË që vjen nga Fushë Arrëzi. Aktualisht trashësia e borës në qytetet e Kukësit dhe Krumës është 20 cm nderkohe qe ne zonat malore ka arritur ne 45 cm. Tropoja ka me pak reshje dhe furnizohet me energji. Rruga e Kombit është e qarkullueshme, pa zinxhirë, ndërkohë që në rrugët rurale qarkullimi bëhet me zinxhirë. E bllokuar është komuna Arren, Kalis, Grykë Caje.
