Edhe pse dielli ka qenë përzhitës dhe temperaturat kanë arritur majat në Shqipëri, nuk kanë qenë qytetet tona më të nxehtat në Ballkan.
Paradoksalisht, qytetet e veriut të rajonit kanë regjistruar temperaturat më të larta. Sipas medias boshnjake, Mostari ishte të hënën qyteti më i nxehtë në Evropë, pasi në orën 15.00 temperatura arriti në 42 gradë Celsius.
Në vendin e dytë është kryeqyteti malazez, Podgoricë, ku temperatura ka arritur 41,5 gradë Celsius, në vendin e tretë është qyteti turko-qipriot Geçitkale (Lefkoniko) me 41,1 gradë Celsius, në vendin e katërt është Kordoba në Spanjë, ku janë matur 40,6 gradë Celsius, ndërsa në vendin e pestë është Marina di Ginosa në Itali, me temperaturë prej 40,1 gradë Celsius. Sipas Institutit Hidrometeorologjik të Shqipërisë, temperature në Tiranë ka arritur vlerën më të lartë në 40 gradë Celcius ditën e hënë. Kurse dje temperaturat kanë shënuar 38 gradë. Matjet zyrtare bëhen në lartësinë dy metra. /tesheshi.com/
