Serbia vazhdon politikën me dy fytyra: Ndërkohë që Kryeministri Vuçic betohet për marrëdhënie të mira me Shtetet e Bashkuara të Amerikës dhe Perëndimin, Ministri i Mbrojtjes, serb ka deklaruar se është i gatshëm të zhvillojë stërvitje të përbashkëta me Rusinë dhe Ukrainën.
Një lajm nga Beogradi ka shqetësuar Perëndimin. Serbia ka shprehur interesim për të marrë pjesë në stërvitjen e përbashkët ushtarake të Rusisë dhe Bjellorusisë, të planifikuar nga fundi i këtij viti.
Sipas portalit Sputnik, gjatë këtij trajnimi do të bëhet koordinimi i fuqive ushtarake të dyja shteteve në rast të ndonjë sulmi nga NATO. Ministri i mbrojtjes së Serbisë, Bratisllav Gashiç ka shfaqur interesin që edhe Serbia të marrë pjesë në këto trajnime.
Një interes i tillë u mirëprit nga ana e Rusisë dhe Bjellorusisë ku ky ministër edhe u ftua ditën e djeshme në Moskë. Ministri i mbrojtjes së Serbisë ka nënshkruar bashkëpunimin me Ministrat e dy shteteve tjera në lëmine e Paratrupave si dhe profesionalizmin e këtyre trupave.
Gjatë kësaj vizite, Ministri i mbrojtjes së Serbisë Bratisllav Gashiç ka shfaqur kënaqësi të madhe për të marrë pjesë në trajnimet “Vëllazëria Sllave 2015″ ku gjatë këtyre stërvitjeve ushtarake, Serbia do tregojë forcën e sajë ushtarake dhe specializimin e këtyre forcave.
Nga ana e qeverisë serbe apo mediave serbe nuk është dhënë ndonjë informatë mbi këtë pjesëmarrje ngase qeveria e Serbisë është në përpilimin e politikës së Bashkimit Europian. Një pjesëmarrje e Serbisë në këto trajnime vetëm sa prish marrëdhëniet e Bashkimit Evropian me Serbinë./tesheshi.com/
