Përçahet qeveria serbe. Ndërkohë që kabineti i Ana Brnabiç po shkon drejt mosdhënies së statusit diplomatic për punonjësit e Qendrës Ruse të Nishit, Nenad Popoviç, një nga njerëzit që kanë hyrë në ekzekutiv me veton e Moskës ka shpërthyer në një deklaratë të fortë.
Qendra e Nishit është cilësuar nga NATO e BE si truri operacional i inteligjencës ruse në Ballkan.
Duke folur për Veçernie Novosti, politikani që ka lindur në Republika Srbska-n aktuale dhe një nga më të pasurit e qeverisë, ka kërkuar që Beogradi të japë statusin e diplomatit për punonjësit e Qendrës së Nishit.
“Ata njerëz kanë pastruar ventin tonë nga bombat e NATO-s, të cilat kanë pasur material radioaktive, kanë shuar zjarre kanë ndihmuar njerëz dhe ne mos t’u japim një mundësi normale? Kjo është absurde” tha Popoviç, i cili është kryetar i një organizate filo ruse që merr fonde marramendëse nga Moska.
Popoviç është një biznesmen që operon në fushën e energjisë dhe llogaritë e tij dolën edhe nga Panama Pappers, ku kishte depozituar më shumë se 75 milionë dollarë.
Popoviç deklaroi se “nuk shoh logjikë në këtë mes; marrin status diplomati ata që kanë bombarduar Serbinë, pra anëtarët e vendeve të NATO-s dhe ata që e kanë pastruar vendin nga këto bomba të rrezikshme nuk e marrin. Kjo është thjesht absurde”.
Nenad Popovioç, është kryetari i Partisë Demokratike Serbe e cila është drejtuar diskut nga Vojislav Koshtunica dhe hyri në qeveri pa marrë një portofol konkret, por thjesht si ministër i lirë.
Moska me njerëzit e vet po bën gjithn jë e më shumë presion në Beograd që ky i fundit të mos lëvizë drejt qëndrimeve antiruse.
Moska i ka kërkuar Vuçiçit që të kërkojë përfshirjen e Rusisë në bisedimet për Kosovën. Presidenti serb e deklaroi në Moskë se kjo do të ndodhë në rast konflikti.
Kurse ministri i Mbrojtjes serbe, Aleksandër Vulin ka disa ditë që jep intervista dhe përmend fjalën “Luftë”.
Përveç një deklarate për televizionin Pink, Vulin dha intervistë edhe për Tanjug ku deklaroi se “në rast lufte Serbia do të mbështetet vetëm nga fuqia e ushtrisë së saj. /tesheshi.com/
