Shërbimi Federal i Sigurisë Ruse (FSB) njoftoi të hënën se ishte përcaktuar se shërbimet speciale ukrainase qëndronin pas vrasjes së gazetares ruse Daria Dugin, e cila u vra në një shpërthim makine në Moskë javën e kaluar.
Në deklaratën e FSB-së, thuhet se vrasja është kryer nga një shtetase e Ukrainës, Natalia Vovk, e cila erdhi në Moskë muajin e kaluar dhe u arratis në Estoni pas sulmit.
Vovk mbërriti në Rusi më 23 korrik me vajzën e saj Sofia Shaban, njoftoi agjencia ruse, transmeton Anadolia.
– RESTRICTED TO EDITORIAL USE – MANDATORY CREDIT “AFP PHOTO / Russian Investigative Committee / handout” – NO MARKETING NO ADVERTISING CAMPAIGNS – DISTRIBUTED AS A SERVICE TO CLIENTS
(Photo by Handout / INVESTIGATIVE COMMITTEE OF RUSSIA / AFP) / RESTRICTED TO EDITORIAL USE – MANDATORY CREDIT “AFP PHOTO / Russian Investigative Committee / handout” – NO MARKETING NO ADVERTISING CAMPAIGNS – DISTRIBUTED AS A SERVICE TO CLIENTS
“Ditën e vrasjes Vovk dhe Shaban ishin në festivalin letrar dhe muzikor Tradicija, ku Dugin mori pjesë si mysafire e nderuar. Pas kryerjes së një shpërthimi të kontrolluar të një Toyota Land Cruiser Prado të drejtuar nga Dugin më 21 gusht, Vovk, së bashku me vajzën e saj, u nisën përtej rajonit të Pskovit për në Estoni”, thuhet në deklaratë.
Shtohet se nënë e bijë morën me qira një apartament në Moskë në të njëjtën ndërtesë ku banonte Dugin për ta vëzhguar.
Babai i quajtur “truri i Putinit”
Vovk përdori një makinë Mini Cooper për të ndjekur Dugin, shton FSB.
Targat e makinës janë ndryshuar disa herë, kur hynte në Rusi, në Moskë dhe kur dilte nga Ukraina, thuhet në deklaratë.
Dugin u vra në një shpërthim makine në periferi të Moskës të shtunën vonë.
Nga të dhënat e para thuhet se ajo vdiq në vendngjarje dhe se objektivi fillestar i sulmit ishte babai i saj, Aleksandar Dugin, i cili ndërroi makinën në momentin e fundit.
Daria Dugin ishte gjithashtu një bashkëpunëtore e ngushtë e babait të saj me ndikim, filozofit rus Alexander Dugin, të cilin mediat properëndimore e quajnë “truri i Putinit”. /tesheshi.com/
